Daut Haradinaj nga AAK ka reaguar pas lajmit se vëllai i deputetes së VV’së Fitore Pacolli, ka përfituar grant 100 mijë euro nga ministria e Faton Pecit, vetëm katër ditë pasi hapi biznesin.
Sipas Haradinajt është shqetësues guximi i këtij pushteti që ta keqpërdorë buxhetin e taksapaguesve.
Ai tha se 100 mijë euro grant i bie 588 rroga të veteranëve t’i jepen një familjari të VV-së.
“Brenda një jave hapë biznes dhe përfiton mijëra euro me lidhje të shkurtëra, Ministër-Deputet. Kjo thjesht i bie që 588 rroga të veteranëve t’i jepen një familjari të VV-së.”- ka shkruar Haradinaj në Facebook.
Postimi i plotë:
Është tepër shqetësues guximi i këtyre ministrave që në formën më brutale po e shkatërrojnë buxhetin e taksapaguasve. Brenda një jave hapë biznes dhe përfiton mijëra euro me lidhje të shkurtëra, Ministër-Deputet.
Kjo thjesht i bie që 588 rroga të veteranëve t’i jepen një familjari të VV-së.
