Anëtari i Kryesisë së PDK-së Xhavit Haliti ka folur për procesin e dialogut dhe zhvillimet e fundit në vend.
Ai në emisionin DebatPlus të TV Dukagjinit, ka thënë se Partia Demokratike e Kosovës nuk ka gabuar që nuk ka qenë pjesë e delegacionit shtetëror në takimin e Uashingtonit më 4 shtator.
“PDK nuk ka gabuar. Nuk mund të shkojmë në bisedime me dëshmitarë, por duhet të jemi të përgatitur me tema. Problemet ndërmjet Kosovës dhe Serbisë duhen zgjidhur gradualisht”, u shpreh ai.
Haliti tha se kryeministri Avdullah Hoti duhet të garantojë një marrëveshje eventuale me Serbinë, ndërsa ka hedhur poshtë spekulimet se mos pjesëmarrja e PDK-së në dialogun me Serbinë për shkak të mos prezencës së presidentit Hashim Thaçi.
