Deputetja e PDK-së, Blerta Deliu-Kodra, ka reaguar pasi deputetët e Lëvizjes Vetëvendosje votuan për Tanja Vujoviqin nga Lista Serbe për nënkryetare të Kuvendit, ndërsa deri dje nuk kishin votuar për kandidaten e PDK-së, Vlora Çitaku.
“Për Lëvizjen Vetëvendosje, Tanja Vujoviq nga Lista Serbe ishte e pranueshme për nënkryetare të Kuvendit, ndërsa Vlora Çitaku, nënshkruese e Deklaratës së Pavarësisë së Kosovës dhe ambasadorja më e suksesshme e Kosovës në SHBA – JO”, ka shkruar ajo.
Ajo akuzoi VV-në se, në koordinim me Listën Serbe, orkestroi votime që ishin të destinuara të dështonin, duke i cilësuar si “spektakël politik”.
“Shihemi pas të 16-it dhe, natyrisht, pas vendimit të Gjykatës Kushtetuese!”,tha Deliu-Kodra.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
