Futbollisti i famshëm shqiptar, Xherdan Shaqiri, që po qëndron për pushim në Kosovë, ka pritur në shtëpinë e tij në Zhegër hoxhën Shefqet Krasniqin.
Hoxhë Krasniqi e ka falënderuar futbollistin për pritjen, duke e përgëzuar për sukseset dhe njëkohësisht e sugjeroi atë që asnjëherë të mos harrojë traditën, kulturën, por edhe fenë e popullit që i përket.
Ruajta e këtyre vlerave, sipas Krasniqit, pavarësisht karrierës dhe sukseseve botërore, është jetike.
Në shenjë falënderimi hoxhë Shefqet Krasniqi i ka dhuruar superyllit Xherdan Shaqirit disa libra.
Në këtë takim i pranishëm ishte edhe këngëtari Gold Ag që ka postuar disa fotografi në Facebook me yllin e Interit.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
