Kryediplomatja e Bashkimit Europian, Kaja Kallas, më 23 shtator do të organizojë një takim në mes të liderëve të BE-së dhe atyre të Ballkanit Perëndimor.
Takimi do të organizohet gjatë sesionit të 81-të të Asamblesë së Përgjithshme të Kombeve të Bashkuara në Nju Jork të SHBA’së.
Përfaqësuesja e Lartë e BE-së nga 20 deri më 24 shtator do të udhëtojë drejt SHBA’së ku nga BE u paralajmëruan “një sërë aktivitetesh të nivelit të lartë, si dhe do të zhvillojë një varg takimesh dypalëshe me partnerë ndërkombëtarë, me synimin për të krijuar aleanca ndërrajonale për adresimin e sfidave të përbashkëta globale”.
Edhe takimi me liderët e Ballkanit Perëndimor bie në këtë agjendë.
Në SHBA nga Kosova sot është nisur kryeministri Albin Kurti.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
