Këngëtarja e njohur me prejardhje shqiptare, është kritikuar për jetën e saj intime nga ish i dashuri Ricky Hilfiger.
Hil në këngën e re të lansuar, “Superman”, ka kritikuar aftësitë e Ritës në shtrat, raporton “The Mirror”.
Gjyqtarja e re e “X Factor”-it, 24-vjeçe, dhe i biri i Tommy Hilfigerit, 25-vjeç, i dhanë fund lidhjes së tyre disa javë më parë pasi që ajo tashmë është përqendruar në karrierë në Britani.
Një burim i afërt me çiftin, tashmë të ndarë, ka konfirmuar për “MailOnline” se pop-ylli ndërkombëtar ka kërkuar përkrahje nga miqtë e afërt pasi i dha fund romancës së saj një vjeçare, transmeton Koha.net.
Ndarja e saj me Rickyn vjen pothuajse dy vjet pas ndarjes shumë publike të Ritës me DJ-in skocez, Calvin Harris, ndarje e cila u bë krejtësisht në Twitter.
Ajo pati edhe një lidhje me Rob Kardashian, vëllanë e të famshmes, Kim Kardashian.
