Nuk lë datë të rëndësishme pa vizituar Kosovën.
William Walker dëshiron të festojë bashkë me kosovarët 10-vjetorin e pavarësisë, raporton emisioni 038 i KTV-së.
Ndonëse Kosova ka ndryshuar që nga hera e parë kur ka qenë këtu, ai atë e sheh si shtëpinë e tij të dytë.
Ai tregon arsyet pse e do Kosovën dhe njëra ndër to është dëshira për makiato.
Walker ka qenë në çdo përvjetor kur i është dhënë mundësia për të bërë homazhe në Reçak, por që vetëm tre vjetët e fundit atje sheh edhe liderët kosovarë.
Walker thotë se dëshiron ta takojë vajzën, e cila i ka dhuruar një lule në Reçak e që atëherë ajo ishte vetëm 4-vjeçare.
Por përshtypjet e tij të para për Kosovën nuk ishin të mira, ndonëse nuk kishte shumë informacion se çka saktësisht po ndodhte gjatë viteve ’98.
Ai tregon se sa herë vjen në Kosovë, e viziton Reçakun dhe se nuk dëshiron të takohet me politikanët.
Ndonëse që nga 98-a viziton Kosovën, ai di shumë pak fjalë në gjuhën shqipe. Thotë që kjo i është bërë pengesë pse nuk ka provuar të gjej një grua shqiptare.
Miku i shqiptarëve thotë ndonëse është e lodhshme rruga nga Uashintoni në Kosovë, dhe do të vazhdojë ta bëjë këtë deri sa të mundet, pasi atë e motivojnë njerëzit e Kosovës dhe dashuria e tyre ndaj tij.
Walker do të qëndrojë në Kosovë 10 ditë./koha.net/
