Trump përzgjedh mikun e Putinit për sekretar të shtetit?

E publikuar: 13/12/2016 10:35
Rreshtat+- AShkronjat+- Printo

Presidenti i zgjedhur amerikan, Donald Trump deklaroi dje në mbrëmje vonë se kishte përzgjedhur bosin e “ExxonMobil”, kompania më e madhe në botë e naftës dhe e gazit, Rex Tillerson, në postin e sekretarit të Departamentit amerikan të Shtetit, njoftoi media vendase, që citon zyrtarë të ekipit të tranzicionit.

Gazeta e përditshme amerikane “The New York Times” shkruan se Trump ka hedhur poshtë shqetësimet se Tillerson, 64 vjeç, ka një marrëdhënie shumë komode me presidentin rus, Vladimir Putin.

Më herët kishin qarkulluar zëra për disa emra për këtë post duke përfshirë ish-kandidatin për president, Mitt Romney dhe ish-kryetarin e bashkisë së Nju Jorkut dhe një mik besnik i Trumpit, Rudy Giuliani.