Surroi e kërkon mbështetjen e Turqisë për t’u bërë Sekretar i RCC-së

E publikuar: 29/07/2022 21:49
Rreshtat+- AShkronjat+- Printo
Share:

Zëvendësministri i Jashtëm i Turqisë, Faruk Kaymakcı ka pritur për një takim Veton Surroin nga Kosova, i cili po synon që të bëhet Sekretar i Përgjithshëm i Këshillit për Bashkëpunim Rajonal (RCC).

Kaymakci, nëpërmjet një njoftimi, ka thënë se ka dëgjuar vizionin e Surroit për këtë organizatë.

“Dëgjova vizionin e Veton Surroit, kandidatit të Kosovës për Sekretar të Përgjithshëm të RCC—së. Theksova mbështetjen e Turqisë për një RCC që promovon bashkëpunimin në Evropën Juglindore dhe rëndësinë e proceseve të BE-së për Evropën Juglindore”, ka shkruar zëvendësministri turk.

Në anën tjetër, Surroi e ka falënderuar Kaymakcin për mundësinë që të diskutojnë.

“Falënderues për mundësinë e mrekullueshme që të diskutojmë për rajonin tonë si një projekt paqësor për integrim, zhvillim dhe siguri evropian në një kohë zhvillimesh gjeopolitike”, ka shkruar Surroi.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!