Dhuna dhe sulmet verbale e fizike ndaj gazetarëve, duket se është bërë shkak debatesh të paparë edhe në Rusi.
Redaktori i një gazete të njohur opozitare ka deklaruar se do të armatosë personelin e tij me armë dhe plumba gome, për shkak të sulmeve të fundit ndaj gazetarëve të tij.
Redaktori i “Novaya Gazeta”, Dmitry Muratov, bëri të ditur vendimin, dy ditë pasi Tatjana Felgenhauer, një gazetare në stacionin e vetëm të pavarur të Rusisë, u godit me thikë në Moskë.
Muratov ka thënë se gazeta po blen pushkë dhe pistoleta me plumba gome, për gazetarët e saj. Ajo madje po ofron kurse për përdorimin e tyre dhe marrjen e masave të tjera të sigurisë.
“Unë do të mbroj me cdo kusht redaksinë dhe do të pajis gazetarët me mjete të tjera mbrojtëse” , tha Muratov.
