ShBA, janari bëhet muaji më vdekjeprurës shkaku i Covid-19

E publikuar: 27/01/2021 14:12
Rreshtat+- AShkronjat+- Printo

Janari tashmë është bërë muaji më i keq në SHBA sa i përket vdekjeve shkaku i COVID-19 që nga fillimi i pandemisë.

Që nga e marta, ka pasur më shumë se 79 mijë viktima të coronavirusit këtë muaj, duke tejkaluar rekordin e mëparshëm të vendosur në dhjetor nga më shumë se një mijë, sipas të dhënave nga Universiteti Johns Hopkins.

Ngjarja e zymtë mbështet themelin e kërkesës në rritje nga zyrtarët shtetërorë për më shumë vaksina në mënyrë që amerikanët të inokulohen më shpejt, raporton cnn.

Presidenti Joe Biden ka premtuar 100 milionë vaksinime në 100 ditët e para të presidencës së tij, por me një rrugë të gjatë përpara për vaksinimet, ai gjithashtu bëri thirrje për 100 ditë mbajtje maske.

Me ato doza shtesë, Biden tha se do të kishte mjaftueshëm për të vaksinuar plotësisht 300 milionë amerikanë – gati të gjithë popullsinë e SHBA – në fund të verës ose në fillim të vjeshtës./eko/