Qehaja: Në Kosovë ka më shumë incidente të karakterit politik, sesa religjioz

E publikuar: 07/11/2017 10:47
Rreshtat+- AShkronjat+- Printo

Drejtori i Qendrës Kosovare për Studime të Sigurisë, Florian Qehaja, theksoi se që nga shpallja e pavarësisë së Republikës së Kosovës e deri më sot ka pas më shumë incidente të karakterit politik sesa religjioz.

Ai këtë deklaratë e bëri gjatë publikimit të raportit me titull “Vlerësimi i rreziqeve në Kosovë që nga shpallja e pavarësisë-Shkurt 2008 – Qershor 2017”, organizuar nga Qendra Kosovare për Studime të Sigurisë në kuadër të programit për parandalimin e ekstremizmit të dhunshëm në Kosovë.

Qehaja po ashtu tha se sfidën më të madhe në këtë projekt e kanë pasur në identifikimin e incidenteve në Kosovë.

“Kemi inskenuar të gjitha incidentet terroriste ekstremiste që kanë ndodhur në territorin tonë që nga shpallja e Pavarësisë së Kosovës. Sfidën më të madhe e kemi pas identifikimin e incidenteve në periudhën nëntë vjeçare, pastaj ndarjen e karakterit të incidentit, si politik apo religjioz. Kemi pas më shumë incidente të karakterit politik sesa religjioz”, ka thënë Qehaja.