Probleme të shumta teknike para nisjes së vitit shkollor në Maqedoninë e Veriut

29.09.2020 16:52
Rreshtat+- AShkronjat+- Printo
Probleme të shumta teknike para nisjes së vitit shkollor në Maqedoninë e Veriut

Dy ditë para fillimit të vitit të ri shkollor në Maqedoninë e Veriut, nxënësit dhe mësimdhënësit po përballen me probleme të shumta teknike sa i përket funksionimit platformës kombëtare për mësim online. Të hënën dhe të martën, shumica e mbi 88 mijë nxënësve sa janë regjistruar aktualisht për mësimin, që duhet të nisë më 1 tetor, nuk kanë mundur të kyçen në platformën unike të përgatitur nga Ministria e Arsimit.

“Në dy javët e para me siguri se mësimdhënësit do të hasin në probleme sikur edhe nxënësit, sistemi mund të bie, por ne duhet t’i japim mbështetje këtij procesi. Për herë të parë kemi një situatë të tillë. Është e vërtetë se ka probleme, por po mundohemi të gjejmë zgjidhje. Në ato shkolla ku ka kushte, kemi mundësuar mësim me prani fizike, të tjerat do të vazhdojmë mësimin nga distanca”, ka deklaruar ministrja e Arsimit, Milla Carovska.

Në rreth 540 shkolla fillore, nxënësit nga klasa e parë deri në të tretën, mësimin do ta ndjekin në shkolla, ndërsa të gjithë të tjerët mësimin do ta ndjekin nga distanca. Mësim online do të zhvillohet edhe në të gjitha shkolla e mesme. Leje për mësim me prani fizike kanë marrë 160 shkolla dhe 147 prej tyre janë në zonat rajonale, pra atje ku ka shumë pak nxënës dhe ku numri i të infektuarve me koronavirusin e ri është i ulët. Leje kanë marrë edhe shkollat me nxënës me aftësi të kufizuara si dhe disa shkolla private.

Por, shumë drejtues të shkollave kanë drejtuar kritika ndaj vendimit të Ministrisë së Arsimit, përkatësisht të komisionit që ka dhënë lejen, duke theksuar se nuk janë marrë parasysh edhe pse pretendojnë të kenë plotësuar kriteret për mësim me prani fizike.

“Për çdo nxënës kemi përgatitur nga një bankë, por ne kemi problem me Ministrinë e Arsimit e cila sjell vendim bazuar në protokollet se si duhet të duket një klasë, ndërkohë që mësim me prani fizike lejon për klasën e tretë dhe nuk lejon për klasën e nëntë, edhe pse dy klasat kanë nga tetë nxënës”, thotë Hajrullah Jakupi, mësues në një shkollë në periferi të Shkupit, që numëron rreth 50 nxënës.

Ndërkohë, Unioni i Shkollave të Mesme më parë kishte paralajmëruar bojkotimin e mësimit nga 1 tetori, por për të mos çrregulluar gjithë sistemin arsimor, ka vendosur që në muajin tetor mësimi të zhvillohet nga distanca dhe në rast se gjendja epidemiologjike mbetet e njëjtë, atëherë nga nëntori mësimi të zhvillohet me prani fizike. Nëse kjo kërkesë refuzohet, atëherë do të shqyrtohen të gjitha mundësinë e presionit.

“Kemi arritur një konsensus që vitit shkollor të fillojë nga distanca më 1 tetor, ndërsa për gjatë muajit tetor ne do të shohim se si do të jetë gjendja epidemiologjike dhe në rast se do të jetë stabile, ultimatumi i unionit ndaj qeverisë do të jetë që më 1 nëntor gradualisht nxënësit të rikthehen në shkollë sipas modelit që ne e kemi përpiluar”, ka deklarua Blendi Hodai, kryetar i Unionit të Shkollave të Mesme.

Ai thotë se problemet me platformën kombëtare për mësim online janë pasojë e mosangazhimit me kohë të institucioneve. Edhe Ministrja e Arsimit Milla Carevska, ka drejtuar akuza ndaj paraardhësve të saj për mosangazhim të duhur në përgatitjen e sistemit arsimor për mësim në kushte të pandemisë. Për shkak të koronavirusit, mësim në të gjitha ciklet në Maqedoninë e Veriut ishte ndërprerë më 13 mars.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Kurti thotë se gjendja e mediave në Kosovë nuk është më e mira, por as më e keqja

Kurti thotë se gjendja e mediave në Kosovë nuk është më e mira, por as më e keqja

Bizneset kanë nevojë për përkrahjen e komunës

Bizneset kanë nevojë për përkrahjen e komunës

Alban Hyseni trashëgimtar i luftëtarit Hysen Hyseni (Zhuja), mbrojtësit të kufijve të Shqipërisë Etnike

Alban Hyseni trashëgimtar i luftëtarit Hysen Hyseni (Zhuja), mbrojtësit të kufijve të Shqipërisë Etnike

Sa i rëndësishëm është investimi i gazit natyror të cilit qeveria ia mbylli derën

Sa i rëndësishëm është investimi i gazit natyror të cilit qeveria ia mbylli derën

Targat e përkohshme mbeten ende në qarkullim

Targat e përkohshme mbeten ende në qarkullim

Nazim Gagica dhe Selami Xhemaili, lirojnë pozitat të cilat i kanë drejtuar në mandatin katër vjeçar

Nazim Gagica dhe Selami Xhemaili, lirojnë pozitat të cilat i kanë drejtuar në mandatin katër vjeçar

Miratohet marrëveshja me Kosovën për rregullat e trafikut lokal të kufirit

Miratohet marrëveshja me Kosovën për rregullat e trafikut lokal të kufirit

Dega e LDK’së në Prizren akuzon se VV’ja atje po blen vota me nga dy thasë miell

Dega e LDK’së në Prizren akuzon se VV’ja atje po blen vota me nga dy thasë miell

Mësohet arsyeja e rrahjes: Familjarët e zënë kryefamiljarin me të dashur – atë e bëjnë për spital

Mësohet arsyeja e rrahjes: Familjarët e zënë kryefamiljarin me të dashur – atë e bëjnë për spital

Kryeministri malazez midis presionit të brendshëm dhe pritjeve të Perëndimit 

Kryeministri malazez midis presionit të brendshëm dhe pritjeve të Perëndimit 

Diell verorë dhe riga shiu edhe të dielën

Diell verorë dhe riga shiu edhe të dielën

Në bisht të tiganit e fsheh drogën, tenton ta fus në burgun e Dubravës

Në bisht të tiganit e fsheh drogën, tenton ta fus në burgun e Dubravës

Kryeministri malazez midis presionit të brendshëm dhe pritjeve të Perëndimit

Kryeministri malazez midis presionit të brendshëm dhe pritjeve të Perëndimit

Drenori shpalos projektet për Drenasin

Drenori shpalos projektet për Drenasin

Masa të rrepta sigurie në prag të tubimit para Kapitolit

Masa të rrepta sigurie në prag të tubimit para Kapitolit

Para zgjedhjeve, kryetarët e komunave ndajnë mijëra leje për ndërtim

Para zgjedhjeve, kryetarët e komunave ndajnë mijëra leje për ndërtim