Policia e kërkoi edhe me helikopter, kapet kosovari pasi dyshohet për vrasjen e një 32-vjeçari në Gjermani

E publikuar: 15/07/2022 22:02
Rreshtat+- AShkronjat+- Printo
Share:

Pas të shtënave vdekjeprurëse ndaj një personi në Burghausen, Bavaria e Epërme, një i dyshuar është marrë në paraburgim nga policia në Austri.

Kosovari 60-vjeçar është arrestuar nga policia austriake në anën tjetër të kufirit, tha të premten një zëdhënës i policisë.

Për arsye të taktikave hetimore, ai ende nuk ka mundur të japë ndonjë informacion shtesë mbi prapavijën dhe motivin e krimit, shkruan Frankfurter Allgemeine Zeitung.

Sipas informacioneve, të shtënat kanë ndodhur mbrëmjen e së enjtes në një zonë industriale, në Burghausen. Një 32-vjeçar është qëlluar nga plumbat e shkrepur dhe si pasojë ka vdekur. Kalimtarët janë strehuar në vend të sigurt.

Pas krimit, i dyshuari për vrasje është larguar me makinë nga vendi i krimit.

Policia më pas e ka kërkuar të dyshuarin deri vonë në mbrëmje me një kontingjent të madh, përfshirë këtu dhe një helikopter. Për këtë qëllim janë ngritur edhe postblloqe.

Rreth orës 1:30 të mëngjesit, zyrtarët austriakë kanë arritur ta arrestojnë atë, përcjell albinfo.ch. Që atëherë ai është në paraburgim në Austri, tha zëdhënësi i policisë. Ai po hetohet për një vrasje.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!