Pogragja qind për qind me Lutën, e falënderojnë për realizimin e projekteve jetike

E publikuar: 22/09/2021 18:30
Rreshtat+- AShkronjat+- Printo

Kryetari i Gjilanit, Lutfi Haziri, së bashku me ekipin e tij, mori pjesë në takimin bashkëbisedues me strukturat e nëndegës së LDK-së në Pogragjë, në të cilën gravitojnë edhe fshatrat, Sllubicë, Llovcë, Kokaj, Stublinë e Bilinicë.

Kryetari i Nëndegës së LDK-së në Pogragjë, Qamil Rexhepi, e ka falënderuar kryetarin e Gjilanit, duke ia rikonfirmuar besimin e madh për mandatin e pestë, në garën e 17 tetorit.

“Pogragja e ka marrë epitetin e fshatit model fal punës dhe përkushtimit të kryetarit Haziri. Faleminderit për realizimin e të gjitha projekteve jetike. Pogragja qind për qind e mbështet Lutën”, ka thënë Rexhepi.

Ndërsa, kryetari Haziri falënderoi strukturat dhe qytetarët e Pogragjës për këtë përkrahje.

“Pogragja e ka historinë e vet të madhe, pasi njerëzit e saj kanë dhënë kontribut të madh në avansimin dhe përparimin e qytetit tonë. Ne edhe pak javë e zgjidhim edhe problemin e ujit dhe përfundimin e rrugëve të mbetura, të cilat janë shtyrë si pasojë e pandemisë. Ndërkaq, do ta shndërrojmë kalanë e Pogragjës në qendër rekracioni, sikurse që do t’i japim zgjidhje përfundimtare trajtimit të lumit Morava përmes Impiantit të ujërave të zeza. Do ta mbështesim, po ashtu, edhe rritjen e fondeve të bagëtive për Sllubicën, Llovcën, Kokajt, dhe Stublinën, si zona të rëndësishme të zhvillimit të kësaj veprimtarie. Ju falëmnderit shumë!”, deklaroi Haziri.

Mesazhin e fitores e ka dhënë edhe kandidati për Asamble Komunale, Avdi Aziri, i cili në listën fituese të LDK’së garon me numrin 32.