Një plagosje me armë zjarri ka ndodhur në mesnatë në qytetin e Vlorës.
Burime nga policia e qytetit bregdetar kanë bërë të ditur se ngjarja ka ndodhur në vendin e quajtur ”Guri i Çifutit”, në rrugën e Nartës.
I riu ishte gjetur i plagosur pas një karburanti në këtë zonë.
Njoftimi i policisë për ngjarjen:
Salla Operative Vlorë njoftohet prej një shtetasi se në vendin e quajtur ”Guri i Çifutit”, në rrugën e Nartës ka konstatuar pas një karburanti një shtetas të plagosur me armë gjahu.
Shtetasi i plagosur është M. H., 23 vjeç, i cili ndodhet në Spitalin Rajonal Vlorë duke marrë mjekimin e nevojshëm dhe është jashtë rrezikut për jetën.
Policia po punon për zbardhjen dhe sqarimin e plotë të rrethanave të ngjarjes.
