Një person është plagosur si pasojë e një përleshje me armë zjarri para pak çasteve në qytetin e Vushtrrisë.
Një sinjalizues i Gazetës Sinjali ka deklaruar se personi i cili është plagosur është në gjendje të rëndë dhe i njëjti është dërguar nga kalimtarët e rastit në emergjencë.
Sipas sinjalizuesit, ngjarja ka ndodhur në rrugën “Lumni Surdulli” në Vushtrri.
Zëdhënësi i Policisë për rajonin e Mitrovicës, Ilmi Prekazi ka bërë të ditur se pacienti është dërguar në spital
“Policia është informuar nga Emergjenca në Vushtrri se një person është plagosur nga arma e zjarrit. Njësia policore ka shkuar menjëherë, në bazë të informatave që kanë marrë është një person i plagosur në këmbë, sipas mjekëve nuk është në rrezik për jetën”.
Ai gjithashtu bëri të ditur se njësia kompetente është duke u marrë me rastin për zbulimin e vendndodhjes së të dyshuarit.
