Plagoset një i mitur në rrethana të dyshimta

E publikuar: 05/04/2017 09:24
Rreshtat+- AShkronjat+- Printo

13-vjeçari nga Pollatica e Tetovës ka marrë plagë të rënda në anën e majtë e shpinës nga gjuajtja me armë. I dyshuari i cili ka gjuajtur me armë është 17-vjeçar nga i njëjti fshat, thonë urime nga Prokuroria Publike e Tetovës, përcjell Telegrafi Maqedoni.

ipas të dhënave të deritanishme nga hetimi, incidenti me armë ka ndodhur dje në oborrin e shkollës së fshatit rreth orës 16:00.

I mituri i plagosur në gjendje të keqe shëndetësore është transferuar në klinikat e Shkupit ku është vendosur në aparate. I dyshuari rreth një ore pas incidentit së bashku me babain e tij janë siguruar nga policia dhe kanë folur rreth ngjarjes.

Është gjetur edhe arma me të cilën ka gjuajtur 17-vjeçari, kurse sipas informacioneve të tanishme, për armën nuk ka dokumente të duhura për mbajten e ligjshme. Hetimi vërteton motivin dhe gjithçka tjetër lidhur me incidentin.