11 persona kanë vdekur në një aksident trafiku që ka ndodhur rreth orës 05:40 në autostradën në drejtim të Zagrebit.
Sipas informacioneve të para nga policia e Varazhdinit, dyshohet se autobusi me targa polake ka dalë nga autostrada duke e shkaktuar kështu këtë aksident të rëndë.
Numrin e viktimave tashmë e ka konfirmuar edhe Ministria e Punëve të Brendshme, shkruan Dnevnik.
Kujtojmë se në fund të korrikut të vitit të kaluar një autobus i Kosovës doli nga rruga në afërsi të Slavonski Brodit duke lënë të vdekur 10 persona dhe 44 të tjerë të lënduar.
