Osmani uron fqinjët për hapjen e negociatave, thirrje BE-së për liberalizimin e vizave për kosovarët

E publikuar: 19/07/2022 12:03
Rreshtat+- AShkronjat+- Printo

Presidentja e vendit, Vjosa Osmani, i ka bërë thirrje vendeve anëtare të Bashkimit Evropian që urgjentisht të zbatojnë vendimin për liberalizimin e vizave për kosovarët. Osmani thotë se përshpejtimi i procesit të zgjerimit për vendet demokratike të Ballkanit Perëndimor është një domosdoshmëri teksa uron Shqipërinë dhe Maqedoninë e Veriut për hapjen e negociatave për anëtarësim në BE.

“Urime Shqipërisë dhe Maqedonisë së Veriut për një hap më afër BE-së. Në këtë kohë përcaktuese, përshpejtimi i procesit të zgjerimit për vendet demokratike të Ballkanit Perëndimor është një domosdoshmëri! Ne u bëjmë thirrje vendeve anëtare të BE-së që urgjentisht të zbatojnë vendimin e vonuar për lirimin e vizave për qytetarët tanë”, ka shkruar Osmani në Twitter.