Një i vdekur dhe një i lënduar në një aksident në rrugën Xërxë-Rahovec (FOTO)

E publikuar: 25/07/2022 15:23
Rreshtat+- AShkronjat+- Printo
Share:

Një i vdekur dhe një i lënduar është bilanci i një aksidenti që ka ndodhur sot në magjistralen Xërxë – Rahovec.

Lajmin e ka konfirmuar për Klankosova.tv zëdhënësi i policisë për rajonin e Gjakovës Sheremet Elezaj.

Elezaj tha se personi i lënduar pas marrjes së trajtimit mjekësor është shoqëruar në polici.

“Sot rreth orës 11:40 është është pranuar informacion për një aksident trafiku në rrugën Xerrxë-Rahovec. Të përfshirë në aksident trafiku kanë qenë dy automjete dhe për pasojë, përveç dëmeve materiale, një person i moshës madhore ka ndërruar jetë (vdekjen e tij e konfirmuar personeli mjekësor në QKMF Rahovec). Një person tjetër ka pësuar lëndime trupore dhe i njëjti, pas trajtimit mjekësor është shoqëruar në polici. Njësitet relevante të policisë kanë dalë në vend-ngjarje si dhe është njoftuar Prokurori i Shtetit i cili po ashtu ka dalë në vendin e ngjarjes. Rasti është duke vazhduar me hetime”- tha Elezaj.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!