Në burgun e Dubravës është parandaluar futja e substancave narkotike. Siç ka njoftuar Ministria e Drejtësisë, në bishtin e një tigani është zbuluar se ishte fshehur substanca e dyshuar narkotike.
“Të premten, më 17 shtator, në Qendrën e Korrektuese Dubravë, pas një informacioni konfidencial nga Njësiti i Inteligjencës së SHKK-së, përmes rrugëve operative, oficerët korrektues kanë arritur të parandalojnë futjen e kontrabandës brenda kësaj qendre”, thuhet në njoftim.
“Me të pranuar informacionin, i menjëhershëm ka qenë reagimi i stafit përgjegjës për siguri, i cili ka ndërmarr veprimet e nevojshme, me ç` rast kanë lokalizuar dy pako të ardhura për dy të burgosur, në të cilat bastisja ka rezultuar pozitive, ku brenda pakove në mënyrë të kamufluar është gjetur substancë e dyshuar narkotike”, vijon njoftimi.
Ndaj të dyshuarve është iniciuar masë disiplinore ndërsa për rastin është njoftuar edhe Policia e Kosovës.
