Jose Mourinho nuk ka ndryshuar qëndrim sa i përket futbollistëve të pavendosur. Ai ka thënë se nuk do të ndalë asnjë futbollist që dëshiron të largohet në afatin e janarit.
Morgan Schneiderlin, Memphis Depay dhe Bastian Schweinsteiger janë ende duke pritur që të inkuadrohen në një ndeshje në sezonin e ri të Premier League, krejt si pasojë e problemeve që kanë pasur me formën.
Portugezi ka thënë se do ta lë secilin të largohet nëse United pranon oferta të kënaqshme – edhe nëse ata duan të kalojnë te rivalët.
“Jam i hapur çdo herë që të dëgjoj ofertat për secilin futbollist”.
“Më shumë se i hapur për ofertat, jam i hapur t’i dëgjoj vetë futbollistët”, ka thënë Mourinho.
Ai ka thënë se kushdo nga futbollistët që i troket në derë dhe nuk është i lumtur, me oferta të mira që do të vinin nuk do të ndalte askënd që të qëndronte jashtë vullnetit të tij./Klan Kosova/