Ministritë e Jashtme të Kosovës dhe Malit të Zi mbajnë konsultime politike

E publikuar: 12/07/2022 21:09
Rreshtat+- AShkronjat+- Printo
Share:

Ministritë e Punëve të Jashtme të Kosovës dhe të Malit të Zi mbajtën konsultimet politike.

Në njoftimin e MPJD-së thuhet se konsultimet politike u mbajtën në Podgoricë dhe u udhëhoqën nga zëvendësministri i Punëve të Jashtme dhe Diasporës, Kreshnik Ahmeti, dhe sekretari i Shtetit për Punë të Jashtme të Malit të Zi, Ljubomir Mishuroviq.

Përgjatë takimit u diskutua për marrëveshjet bilaterale të cilat janë në proces të finalizimit, situatën e sigurisë në rajon, bashkëpunimin në dimensionin multilateral, thellimin e lidhjeve ekonomike dhe investimet e përbashkëta infrastrukturore.

“Bëhet e ditur se zëvendësministri Ahmeti e njoftoi delegacionin malazez për planet e Republikës së Kosovës për anëtarësim në organizata ndërkombëtare, duke vënë theksin në procesin e tanishëm të anëtarësimit të Kosovës në Këshillin e Evropës. Ai falënderoi Malin e Zi për mbështetjen e pakusht në këtë proces të anëtarësimit”.

“Po ashtu u diskutua edhe për çështje të sigurisë dhe masat që kanë ndërmarrë të dyja vendet, sidomos pas situatës së krijuar nën hijen e agresionit ushtarak të Federatës Ruse ndaj Ukrainës.Ndikimi i dëmshëm i vendeve të treta në rajonin tonë është shqetësim i përbashkët dhe bashkëpunimi për luftimin e tij është i domosdoshëm”, thuhet në njoftim.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!