Ministria e Financave ka bërë të ditur kategoritë të cilat do të përfitojnë nga subvencionimi i energjisë elektrike.
Në njoftimin e publikuar në faqen zyrtare në Facebook, kjo ministri ka bërë të ditur se përfitues të subvencionimit të energjisë do të jenë familjet në nevojë.
Kategoritë e theksuara nga Ministria e Financave janë familjet me asistencë sociale dhe kategoritë e pensionmarrësve.
Njoftimi i plotë:
Sqarim për publikun lidhur me subvencionimin e energjisë elektrike për familjet në nevojë.
Ministria e Financave, Punës dhe Transfereve njofton qytetarët se bazuar në vendimin e Qeverisë nr. 20/50 të datës 23.12.2021, subvencionimi i energjisë elektrike bëhet për kategoritë si në vijim:
Familjet me asistencë sociale dhe
Kategoritë e pensionmarrësve si vijon:
Familjet në Skemën e Ndihmës Sociale;
Familjet e Dëshmorëve të UÇK-së;
Familjet e Viktimave Civile;
Familjet e të Zhdukurve;
Invalidët e Luftës;
Personat e Verbër;
Personat Paraplegjikë dhe Tetraplegjikë.
Subvencionimi i energjisë elektrike, sipas ligjeve në fuqi, do të bëhet për vitin 2021, edhe atë për aq muaj sa shfrytëzuesi ka përfituar nga skema/pensioni përkatës.
Kategoritë e lartëpërmendura nuk kanë nevojë që të aplikojnë për të përfituar nga ky subvencionim.
