Mësohet arsyeja pse mungoi Messi në konferencën e lamtumirës së Iniestas

E publikuar: 28/04/2018 09:59
Rreshtat+- AShkronjat+- Printo

Shumë mediume dhe njerëz ishin mbledhur në Sant Joan Despí për të marrë pjesë në konferencën e lamtumirës së Andres Iniestas.

Mesfushori njoftoi largimin prej Barcelonës pas më shumë se 20 vjetësh në klub.

Ai nuk e bëri të qartë të ardhmen, por pohoi se nuk do të jetë në Evropë. Ai nuk dëshiron të konkurrojë kundër ish-ekipit.

Andres Iniesta (Getty Images)

Por, ajo që ra në sy ishte mungesa e dy prej lojtarëve kryesor të ekipit, sidomos së kapitenit të ardhshëm – Lionel Messit dhe Luis Suarezit.

Sipas “Mundo Deportivo”, mungesa e Messit ishte për shkak se argjentinasi është dashur të paraqitet para zyrtarëve lokal së bashku me bashkëshorten për të marrë pasaportat e reja.

Sa i përket Suarezit nuk dihet asgjë, megjithëse nuk ishte aty, uruguaiani e kujtoi ish-bashkëlojtarin përmes rrjeteve sociale.

Ndryshe, 33-vjeçari ka fituar gjithsej tetë tituj të La Ligës dhe katër tituj në Ligën e Kampionëve, por gjithashtu edhe dy Kampionate Evropiane dhe një Kupë të Botës. /Telegrafi/