Mërgim Mavraj është prezantuar te skuadra e Hamburgut. Klubi gjerman bëri të ditur firmën me qendërmbrojtësin e Kombëtares Shqiptare që ka nënshkruar një kontratë deri në 30 qershor të vitit 2019 me skuadrën e tij të re.
Mbrojtësi shqiptar ka dhënë një intervistë mjaft interesante për mediat arsyet përse zgjodhi Hamburgun.
“Për shumë njerëz ky ndryshime ishte një surprizë , por situata me kontratën në skadencë te Koln dhe interesi i madh që shprehën trajneri dhe drejtuesit e Hamburgut ndikuan që të bëj këtë hap. U ndieva i vlerësuar kur dëgjova për interesimin e Hamburgt dhe pata biseda mjaft interesante me trajnerin Markus Gisdol dhe drejtorin sportiv Dietmar Beiersdofer.
Për mua ana njerëzore është shumë e rëndësishme pasi dua të mbahem mend jo vetëm si një lojtar i mirë, por edhe si një njeri i mirë. Është ndjesi e këndshme të ndiesh këtë besim, dhe Hamburgu është një klub i madh me tifozë të mrekullueshëm. Për shumë lojtarë është një ëndërr të luash në këtë klub”.
Mavraj shpreson ta ndihmojë skuadrën në objektivin për të mbetur në elitën e futbollit gjerman.