Maqedonia bën hapin e madh drejt BE-së, Ali Ahmeti ia kris këngës me çiftelia në veturë

E publikuar: 16/07/2022 18:11
Rreshtat+- AShkronjat+- Printo
Ali Ahmeti
Share:

Pasi Parlamenti maqedonas votoi propozimin francez që i hap rrugë anëtarësimit të vendit drejt BE-së, kryetari i BDI-së, Ali Ahmeti është parë në një video-incizim duke kënduar këngë me çiftelia në veturë.

Ai shihet teksa këndon së bashku me një person tjetër këngë patriotike.

https://fb.watch/eiOLHnx4sq/

Parlamenti i Maqedonisë së Veriut ka miratuar sot me 68 vota për propozimin francez që i hap rrugë negociatave për anëtarësim të RMV-së dhe Shqipërisë në BE. Deputetët e opozitës maqedone kanë kundërshtuar propozimin ndërkaq, kryeministri shqiptar Edi Rama i është gëzuar miratimit duke thënë se më s’ka pengesa për rrugën drejt BE-së të këtyre dy shteteve. Liderët e BE-së kanë përshëndetur votimin dhe kanë paralajmëruar se javën e ardhshme hapen formalisht negociatat.

Propozimi francez parasheh kapërcimin e dallimeve mes Shkupit dhe Sofjes lidhur me gjuhën maqedonase, identitetin dhe të kaluarën historike ndërkohë që pala bullgare kërkon nga pala maqedonase që të përfshijë edhe pakicën bullgare në preambulën e Kushtetutës, si të barabartë me popujt e tjerë.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!