Deputeti i Lëvizjes Vetëvendosje, Luan Aliu, ka marrë numrin 64, në listën e Lëvizjes Vetëvendosje.
Aliu ka thënë se për të është kënaqësi e krenari, që të jetë sërisht pjesë e listës së deputetëve të Lëvizjes Vetëvendosje.
Postimi i plotë
Të dashur qytetarë,
Me kënaqësi dhe krenari, ju njoftoj se jam përsëri pjesë e listës së deputetëve të Lëvizjes VETËVENDOSJE! dhe do të vazhdoj të jem një zë i fuqishëm për qytetarët e Kosovës në Kuvendin e Kosovës.
Gjatë mandatit të Qeverisë Kurti, kemi arritur suksese të mëdha në shumë fusha. Kemi investuar në përmirësimin e sistemit arsimor, kemi rritur cilësinë e shërbimeve shëndetësore dhe kemi stimuluar rritjen ekonomike përmes politikave të mençura. Po ashtu, në fushën e sigurisë, kemi forcuar institucionet dhe bashkëpunimin me partnerët ndërkombëtarë, duke siguruar një mjedis të sigurt dhe stabil për të gjithë qytetarët.
Mbështetja ime për kryeministrin Albin Kurti dhe vizionin e tij për një Kosovë të drejtë dhe të zhvilluar është e palëkundur. Do të vazhdojmë të punojmë së bashku për një të ardhme më të mirë dhe për përmirësimin e jetës së çdo qytetari të Kosovës.
Ju ftoj të më mbështesni në këtë rrugëtim, për të vazhduar realizimin e projekteve dhe vizionit për një Kosovë të zhvilluar dhe të drejtpërdrejtë.
Me respekt,
Luan Aliu
