Lekaj: Me paaftësinë e saj kjo Qeveri ka bllokuar shtetin, edhe gjatë pandemisë është punuar më shumë

E publikuar: 30/07/2022 14:47
Rreshtat+- AShkronjat+- Printo
Share:

Deputeti i Aleancës për Ardhmërinë e Kosovës, Pal Lekaj, e ka konsideruar Qeverinë si “të paaftë”, e cila sipas tij, ka bllokuar shtetin.

Reagimi i Lekajt vjen pasi publikimit të një grafike të Institutit GAP, ku në periudhën janar – qershor 2022, Qeveria Kurti shpenzoi vetëm nëntë për qind të buxhetit në investime kapitale.

“Krejt çka bënë kjo qeveri është propaganda e vazhdueshme kinse kemi rritje enorme ekonomike, mirëpo gjendja në terren dhe shifrat tregojnë të kundërtën.

Nga këto të dhëna shohim se niveli i shpenzimit të buxhetit për investime kapitale kurrë nuk ka qenë në nivelin më të ulët se sa gjatë kësaj qeverisjeje”, ka shkruar Lekaj në Facebook.

“Me paaftësinë e saj, kjo Qeveri ka bllokuar shtetin. Kjo ndikon që të kemi ulje të konsumit dhe të fuqisë blerëse e rrjedhimisht edhe rritje të inflacionit”, ka shkruar ai.

Lekaj e ka konsideruar këtë si dështimin më të madh të shtetit në 11 vjetët e fundit.

“Edhe gjatë pandemisë është punuar më shumë. Ku është qëllimi i kësaj qeverie ta thëllojë edhe më tej krizën në vend?!”, shkroi tutje ai.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!