Pas takimit me kryeministrin Albin Kurti, emisari i Bashkimit Evropian për dialogun Kosovë – Serbi, Mirosllav Lajçak, tha se nuk ka biseduar për hapjen e arkivave të Kosovës, raporton Ekonomia Online.
Lajçak tha se është duke punuar për të caktuar një takim të radhës ndërmjet kryeministrit të Kosovës, Albin Kurti dhe presidentit serb, Aleksandar Vuçiq.
Lajçak ka arritur sot në Kosovë, ku do të ketë takime me krerët e shtetit.
Të enjten në mëngjes është paraparë takim me kryetarin e Kuvendit, Glauk Konjufca.
