Barcelona ka pësuar disfatë të hidhur në “El Clasico” kundër Real Madridit duke u mposhtur në “Camp Nou” me rezultat 1-3, raporton KosovaPress.
Pas ndeshjes, trajneri i “katalanasve” ka drejtuar kritika drejtë gjyqtarit të takimit si dhe teknologjisë VAR, duke deklaruar se nuk e ka kuptuar vendimin e gjyqtarit për dhënien e penalltisë.
“Unë nuk e kuptova akordimin e penalltisë. Nuk ishte diçka që duhej të shihej si penallti nga ana e gjyqtarit.”, u shpreh fillimisht Koeman, pas ndeshjes.
“Nuk e kuptoj as teknologjinë VAR. Çdo vendim është kundër Barcelonës. Në pesë ndeshje, ne nuk kemi parë asnjë vendim në favorin tonë. Penalltia ndaj Messit kundër Sevillës, kartoni i kuq ndaj Getafes, po ashtu edhe sot. Gjithçka po shkon kundër nesh.”, shtoi i nervozuar Koeman.
