Këshillit Prokurorial Kosovës gjysmak, i drejtohet Kuvendit

E publikuar: 04/08/2017 15:43
Rreshtat+- AShkronjat+- Printo

Është mbajtur takimi i 136  i Këshillit Prokurorial të Kosovës , i udhëhequr nga kryesuesi i Këshillit Prokurorial, Blerim Isufaj, njofton kumtesa zyrtare, shkruan Infosot.

“Gjatë këtij takimi, anëtarët e Këshillit Prokurorial kanë autorizuar Kryesuesin e Këshillit Prokurorial, Blerim Isufaj, për nënshkrim të memorandumeve dhe marrëveshjeve të mirëkuptimit mes institucioneve vendore dhe ndërkombëtare.

Anëtarët e KPK-së kanë diskutuar për procesin e kompletimit të përbërjes së Këshillit Prokurorial me tre anëtarët jo prokurorë.

Kryesuesi Isufaj njoftoi lidhur me hapat që janë ndërmarrë në kompletimin e përbërjes së plotë të Këshillit, pasi që kjo gjendje siç tha ai është duke shkaktuar probleme në realizmin e mandatit ligjor.

Anëtarët e KPK-së vendosen që të kërkohet nga Oda e Avokatëve dhe nga fakultetet juridike që të dërgojnë në Kuvendin e Kosovës, së paku nga tre kandidatë për zgjedhjen e nga një kandidati nga këto dy institucione për anëtar të KPK-së, ndërsa u vendos që të shpallet konkursi për zgjedhjen e anëtarit nga shoqëria civile.

Gjithashtu, anëtarët e Këshillit Prokurorial aprovuan kërkesën për dorëheqje nga marrëdhënia e punës në pozitën e Prokurorit të Shtetit tre prokurorëve, Rilind Sermaxhaj, Ilir Berisha dhe Fatime Dermaku, pasi që të njëjtit tani janë emëruar gjyqtarë në gjykatat e Kosovës”, thuhet në komunikatën për media.