Jusuf Thaçi për vendimin për fakultete publike pa pagesë: Arsimi i lartë në Kosovë nuk është i detyrueshëm

17.09.2021 16:10
Rreshtat+- AShkronjat+- Printo
Jusuf Thaçi për vendimin për fakultete publike pa pagesë: Arsimi i lartë në Kosovë nuk është i detyrueshëm

Njohësi i çështjeve të arsimit, Jusuf Thaçi komentuar vendimin e Qeverisë që nga viti akademik 2021/2022, arsimi i lartë publik, në nivelet Bachelor dhe Master të jetë pa pagesë.

Thaçi ka thënë se ky është një lajm shumë i mirë për administratën e universiteteve publike dhe studentët e familjet e tyre që kanë kushte të vështira ekonomike, si dhe ka potencuar faktin se ky vendim nuk ka implikime financiare shumë të mëdha për buxhetin e shtetitMirëpo, përtej këtyre elementeve, Thaçi ka shtruar pyetjen se a është i drejtë ky vendim.

Ai ka potencuar faktin se në institucionet publike të arsimit të lartë studiojnë studentë me nivele të ndryshme të kushteve ekonomike (prej studentëve me kushte shumë të vështira e deri te ata me kushte shumë të mira).Thaçi ka përmendur edhe disa arsye të tjera që burojnë nga ky vendim e që sipas tij, e gjithë kjo mund të ndikojë në rënien e cilësisë së studimeve në Kosovë.

Postimi i plotë:

Dy fjalë për arsimin e lartë publik falas në KosovVendimi për arsimin e lartë publik falas në Kosovë është lajm shumë i mirë për administratën e universiteteve publike, sepse e shkarkon këtë administratë nga një barrë e jashtëzakonshme (qoftë me rastin e pranimit dhe administrimit të pagesave të studentëve, qoftë me rastin e administrimit të kthimit të mjeteve për studentët që lirohen nga këto pagesa). Sigurisht është lajm i mirë edhe për ata studentë dhe familjet e tyre me kushte të vështira ekonomike. Në të njëjtën kohë ky vendim nuk ka implikime financiare shumë të mëdha për buxhetin e shtetit.Por, përtej elementeve të sipër-përmendura, pyetja që duhet të shtrohet është kjo: A është i drejtë ky vendim?Për t’ju përgjigjur kësaj pyetje fillimisht duhet të vendosen disa premisa:
1. Në institucionet publike të arsimit të lartë studiojnë studentë me nivele të ndryshme të kushteve ekonomike (prej studentëve me kushte shumë të vështira e deri te ata me kushte shumë të mira).2. Në institucionet publike të arsimit të lartë studiojnë studentë me sukses të niveleve të ndryshme gjatë studimeve (prej studentëve që dështojnë fare apo mezi i përfundojnë studimet e deri te studentët shembullorë).3. Institucionet publike të arsimit të lartë në Kosovë, tërësisht në shpërputhje me nevojat e tregut të punës, mbi-prodhojnë kuadro në profesione/drejtime të caktuara në ndërkohë që nuk i plotësojnë nevojat e vendit për kuadro në disa profesione/drejtime të caktuara deficitare.4. Në Kosovë ka institucione publike dhe private të arsimit të lartë dhe rreth 40% e studentëve në Kosovë vijojnë studimet në institucione private të arsimit të lartë (për të cilën gjë paguajnë). Prej këtyre studentëve ka studentë me nivele të ndryshme të kushteve ekonomike dhe studentë me sukses të niveleve të ndryshme gjatë studimeve.5. Arsimi i lartë në Kosovë nuk është i detyrueshëm në ndërkohë që sa i përket përfshirjes në arsimin e lartë Kosova e tejkalon për disafish mesataren e vendeve të BE-së.Nisur nga këto premisa të sipër-përmendura del se vendimi për arsim të lartë publik falas në Kosovë nuk është i drejtë sepse:1. Në institucionet publike paguajnë njëjtë (përkatësisht nuk paguajnë fare) si i varfëri si i pasuri.
2. Në institucionet publike paguajnë njëjtë (përkatësisht nuk paguajnë fare) si i studenti i aftë, i përkushtuar, punëtor, i përgjegjshëm e i suksesshëm si studenti i paaftë, i papërkushtuar, jopunëtor, i papërgjegjshëm e dështak.
3. Shteti i Kosovës vazhdon të paguajë për kuadro për të cilat nuk ka nevojë shteti e shoqëria, përkatësisht tregu i punës në ndërkohë që i mungojnë kuadro në profesione/drejtime deficitare shumë të rëndësishme për zhvillimin e vendit.
4. Rreth 40% e studentëve të Kosovës që studiojnë në sektorin privat dhe paguajnë shuma të majme për studime (vet ata nuk janë “privat”, por janë qytetarë të barabartë të Kosovës) nuk përfitojnë asnjë përkrahje nga shteti (përkatësisht nga buxheti i taksapaguesve ku edhe ata/familjet e tyre kontribuojnë) në ndërkohë që kolegët e tyre në sektorin publik marrin studime falas.
5. Ofrimi i arsimit të lartë publik falas mund ta rrisë numrin e studentëve në sektorin publik dhe kjo nuk pritet të përcillet me rritje të buxhetit për arsimin e lartë, përkatësisht nuk do të përcillet me rritje të kapaciteteve profesionale e infrastrukturore (të cilat edhe pa rritje të studentëve do të duhej të rriteshin shumë). Prandaj e gjithë kjo mund (në fakt jam i bindur që do të) ndikojë në rënien e cilësisë së studimeve në Kosovë.
Jusuf Thaçi
Prishtinë, më
17 shtator 2021

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Konjufca priti në takim ambasadorin e Kanadasë, Alan Bowman

Konjufca priti në takim ambasadorin e Kanadasë, Alan Bowman

ZPS thotë se gjatë tetorit nuk është në gjendje të paraqesë dosjen paraprake në rastin e Thaçit e të tjerëve

ZPS thotë se gjatë tetorit nuk është në gjendje të paraqesë dosjen paraprake në rastin e Thaçit e të tjerëve

Vulin: Kurti është përgjegjës për gjithçka që ndodhi në Kosovë

Vulin: Kurti është përgjegjës për gjithçka që ndodhi në Kosovë

Mehaj takohet me Escobarin, Ministria thotë se mori mbështetje të fuqishme nga ai

Mehaj takohet me Escobarin, Ministria thotë se mori mbështetje të fuqishme nga ai

Njoftim i rëndësishëm nga ATK-ja për masën e subvencionimit të pagës

Njoftim i rëndësishëm nga ATK-ja për masën e subvencionimit të pagës

Policia njofton se katër vetura u dëmtuan dje në veri, në një prej tyre ishin dy shtetas të huaj

Policia njofton se katër vetura u dëmtuan dje në veri, në një prej tyre ishin dy shtetas të huaj

Si kontrabandohen mallrat nga Serbia dhe çka kontrabandohet më shumë?

Si kontrabandohen mallrat nga Serbia dhe çka kontrabandohet më shumë?

Reagime të shumta pasi Borrell e qortoi Kosovën për aksionin në veri

Reagime të shumta pasi Borrell e qortoi Kosovën për aksionin në veri

Parashikimi i motit për ditët e ardhshme

Parashikimi i motit për ditët e ardhshme

Von Cramon kritikon Borrellin: BE-ja duhet të përkrahë shtetet që po luftojnë krimin e organizuar

Von Cramon kritikon Borrellin: BE-ja duhet të përkrahë shtetet që po luftojnë krimin e organizuar

Gërvalla në Kuvajt, takohet dhe nënshkruan memorandum mirëkuptimi me krerët shtetërorë

Gërvalla në Kuvajt, takohet dhe nënshkruan memorandum mirëkuptimi me krerët shtetërorë

Bekim Fehmiu për “Variety” më 1993: Nuk është e lehtë të jesh shqiptar në Serbi

Bekim Fehmiu për “Variety” më 1993: Nuk është e lehtë të jesh shqiptar në Serbi

Xhandarmëria serbe këndon këngën “Të nisemi drejt për në Kosovë” para Aleksandër Vuçiqit

Xhandarmëria serbe këndon këngën “Të nisemi drejt për në Kosovë” para Aleksandër Vuçiqit

Sulm me shigjeta në Norvegji, disa të vdekur

Sulm me shigjeta në Norvegji, disa të vdekur

Latifi: Deklarata e Borrellit e ngutshme dhe e pakuptimtë, Vuçiq është nxitur nga ato fjalë të tij

Latifi: Deklarata e Borrellit e ngutshme dhe e pakuptimtë, Vuçiq është nxitur nga ato fjalë të tij

Mushkolaj: Rakiq të shkarkohet, ai po kryen agresion ndaj kushtetutës dhe shtetit të Kosovës

Mushkolaj: Rakiq të shkarkohet, ai po kryen agresion ndaj kushtetutës dhe shtetit të Kosovës