I jashtëligjshëm “pezullimi” i Projektligjit për FSK-në

E publikuar: 12/04/2017 08:23
Rreshtat+- AShkronjat+- Printo

Nuk ka mbështetje në ndonjë ligj a rregullore “pezullimi” i procedurave për miratimin e Projektligjit për Forcën e Sigurisë (FSK), i sponsorizuar para një muaji nga presidenti Hashim Thaçi.

Prandaj, Kuvendit i është kërkuar t’i vazhdojë procedurat e vendimmarrjes për të, shkruan sot Koha Ditore.

Ka më shumë se një muaj që Projektligji për ta bërë FSK-në me mandat ushtrie, është proceduar nga kreu i shtetit në Kuvend. Kjo iniciativë pati nxitur kundërshtimin e aleatëve strategjikë të Kosovës e veçmas Shteteve të Bashkuara, Bashkimit Evropian dhe të NATO-s, të cilët nuk janë kundër ushtrisë, por duan që transformimi i FSK-së në Forca të Armatosura (FAK) të ndodhë me Kushtetutë.

Ata kanë sugjeruar diskutime edhe me përfaqësuesit e serbëve, në mënyrë që edhe ata të binden për ushtrinë.