Izraeli emëron ambasadorin e tij për Kosovë

E publikuar: 28/12/2021 18:01
Rreshtat+- AShkronjat+- Printo

Ministria e Punëve të Jashtme e Izraelit ka emëruar shtatë ambasadorë të rinj në mesin e tyre edhe ambasadorin për Kosovë.

Sipas gazetës “Jerusalem Post”, ambasadori i emëruar i Izraelit për Kosovë është Tamar Ziv, transmeton Gazeta Express.

Më 1 shkurt të këtij viti Kosova dhe Izraeli vendosën marrëdhënie diplomatike si derivat i Marrëveshjes së Uashingtonit të 4 shtatorit 2020, në të cilën Izraeli njohu pavarësinë e Kosovës.

Kosova ka hapur ambasadën e saj në Jerusalem dhe e ngarkuara me punë atje është Ines Demiri.