Ish të burgosurit politikë reagojnë ndaj akuzave për Thaçin e Veselin: Drejtësia ndërkombëtare duhet të këndellet
Shoqata e Ish të Burgosurve Politikë të Kosovës përmes një deklarate publike kanë reaguar ndaj publikimit të pazakontë të aktakuzës kundër Presidentit të Kosovës, Hashim Thaçit dhe liderit të PDK-së, Kadri Veselit.
Kryetari i kësaj shoqate, Hydajet Hyseni, ka thënë se ky lajm i pazakontë, pompoz dhe spektakular ka ngjallur trazim dhe shqetësim midis ish të burgosurve politike dhe në opinionin e gjerë gjithëshqiptar.
Shoqata e Ish të Burgosurve Politikë të Kosovës ka thënë se duhet të kërkohet Gjykatë Speciale për Serbinë, përgjegjësen kryesore për krimet gjenocidale si ato në Srebrenicë, Sllavoni, Dubrovnik, Prekaz, Reçak, Dubravë, Krushë e gjetiu, në Bosnje, Kosovë, Kroaci.
Ata kanë thënë se Serbia po e përmbush këtë obligim ndërkombëtar me një “dhomë të veçantë”, në kuadër të Gjykatës së lartë të qytetit të Beogradit dhe me ndonjë proces politik farsë, të improvizuar e kuazi gjyqësor.
Shoqata e Ish të Burgosurve Politikë të Kosovës kanë thënë se dëshirojnë të besojnë se drejtësia e respektuar ndërkombëtare do të këndellet dhe nuk do të lejojë që strategët e luftës djallëzore speciale të fusin kontrabandë në analet historike një falsifikim dhe mashtrim të kurdisur që do të kujtohej dhe të citohej si shembull i keq i një padrejtësie të madhe ndaj një populli të vogël, të shumëvuajtur dhe të ekspozuar në vijimësi, synimeve dhe projekteve gjenocidale shtetërore të Serbisë.
“SHOQATA E ISH TË BURGOSURVE POLITIKË E KOSOVËS
