Ish-përfaqësuesi i BE-së në Kosovë, Pieter Feith beson se ka pasur progres të pamjaftueshëm në dialogun midis Beogradit dhe Prishtinës.
I pyetur se si e sheh situatën në Kosovë dhe dialogun dypalësh nën patronazhin e BE, Feith tha në një intervistë për agjencinë serbe Tanjugut, se është i zhgënjyer me rezultatet e punës së EULEX-it, si dhe nga dialogu ende nuk ka asgjë konkrete.
“Që nga viti 2008, qëllimi ishte forcimi i sundimit të ligjit, edhe pse shumë është bërë, ende nuk kemi arritur qëllimin, gjë që ngadalëson shanset e Kosovës në rrugën drejt BE”, tha Feith, transmeton lajmi.net.
Sipas Feith, e vetmja mënyrë që Ballkani Perëndimor të anëtarësohet në BE është të tejkalohen problemet mes fqinjëve, andaj thotë se ka shumë punë për t’u bërë.
Ai thotë, se është i shqetësuar se edhe pas gjitha përpjekjeve të bëra që nga mesi i viteve 1990 për të kapërcyer armiqësinë dhe për të arritur pajtimin, nuk ka ardhur ende mirëqenie për qytetarët e vendeve në fjalë.
TEMAT:PIETER FEITH
