Ish-kryetari i degës së Gjykatës Themelore të Prishtinës në Drenas, Avdi Haxhaj, është gjetur fajtor për parashkrimin e mbi 10 mijë lëndëve të kundërvajtjes në komunikacion, që i përkasin vitit 2014, shkruan sot Koha Ditore.
Pas hetimeve disamujore të zhvilluara nga Zyra e Prokurorit Disiplinor (ZPD), si dhe pas shqyrtimit të rekomandimit të Zyrës për masë disiplinore, Komisioni Disiplinor, që funksionon si shkallë e dytë brenda Këshillit Gjyqësor të Kosovës (KGJK), ka marrë vendim këto ditë që Haxhajt t`ia zbresë pagën për 25 %, për katër muaj.
Komisioni, bazuar në vendimin të cilin e ka siguruar “Koha Ditore” ka konstatuar se ekziston “shkelje e rëndë nga ish-kryetari”.
