Derbi i Italisë mes Interit dhe Juventusit përfundoi në mënyrë dramatike.
Nga 0-1 për mysafirët në 2-1 për vendasit dhe në fund një rikthim nga Zonja e Vjetër në 2-3.
Golin e fitores për Juven e shënoi Gonzalo Higuain në minutën e 89-të.
Ky gol ishte një thikë në zemër për Mauro Icardin, i cili këtë sezon ka bërë gjithçka që të shikojë Interin e tij në Ligën e Kampionëve në sezonin e ardhshëm.
Por, pas kësaj humbje kjo mund të mos jetë edhe e mundur.
Icardi i përlotur pas golit të tretë të Juves në Meazza (Foto: Premium Sport)
Argjentinasi shënoi golin e dytë në këtë takim për Interin në minutën e 52-të, ndërsa në minutën e 85-të u zëvendësua dhe në vend të tij u fut Davide Santon.
Në momentin që kapiteni i Interi la fushën ai u duartrokit nga gjithë tifozët e pranishëm në Giuseppe Meazza.
Gonzalo Higuain në momenti që shënoi golin e fitores për Juventusin në Giuseppe Meazza (Foto: Getty Images)
Ai doli dhe skuadra e tij pranoi dy gola dhe në momentin që kamera u fokusua nga ai në momentin që Higuain shënoi, ai kishte mbushur sytë lot. Pas kësaj teksa lojtarët e Juves po festonit, ai u largua nga fusha duke qarë.
Se ai e dashuron këtë klub, këto ngjyra nuk ka diskutim, por durimi i tij ka një kufi. Një tjetër sezon pa Ligën e Kampionëve e rrezikon të ardhmen e tij në Milano. /Telegrafi/
TEARS. TEARS. TEARS. pic.twitter.com/R3egfDFhM0
— Bilal B. (@JuveBillz) April 28, 2018
