Një djalë 22-vjeçar ka rrëfyer historinë e tij të dashurisë, prej të cilës po vuan shumë. Ai ka folur me psikologen e “The Sun” dhe ka treguar problemin që i ka dalë me të dashurën.
Letra e djalit:
“Jam 22 vjeç dhe prej 6 muajsh jam i lidhur me një vajzë një vit më të vogël të cilën e dua me gjithë shpirt. Ne kemi pasur një lidhje mjaft të mirë, përjashtuar faktit që ajo është shumë xheloze. Por nuk është xhelozia problemi që kam dhe që më ka mërzitur kaq shumë… Ne të dy kaluam një mbrëmje shumë romantike një javë më parë, bëmë seks dhe e shijuam si asnjëherë më parë, por kur u zgjuam në mëngjes e dashura më kërkoi që të ndaheshim dhe të mbeteshim vetëm shokë për seks.
Mbeta i shtangur, nuk dija çfarë t’i thosha apo çfarë të mendoja në ato momente. Dola për disa orë jashtë shtëpisë por kur u ktheva gjeta rrobat e mija të paketuara dhe të vendosur ne makinë. Nuk e di pse i erdhi kjo dëshirë pasi ajo kurrë nuk më ka kërkuar të ndaheshim e madje as nuk e kemi biseduar kurrë këtë temë. Jam shumë i dëshpëruar dhe nuk di se si të sillem”.
Përgjigjja e psikologes:
“Duket një situatë pak e komplikuar dhe e pakuptueshme. Ndoshta duhet të përpiqesh më shumë dhe të zbulosh a ka ndonjë arsye reale pas kësaj kërkese?! Nëse ajo të do nuk ka pse ta kërkon diçka të tillë. Duhet të flasësh me të dhe t’i japësh siguri për ndjenjat e tua kundrejt saj… ndoshta kjo do ta bënte të ndërronte mendim”.
