Kryeministri i Republikës së Kosovës, Ramush Haradinaj, po merr pjesë në Samitin e Bërdos (Slloveni) në kuadër të SEECP (Procesi i Bashkëpunimit të Evropës Juglindore), transmeton Koha.net.
Samiti ka nisur punën sot, derisa pjesë e tij janë 13 shtete të Evropës Juglindore.
Organizimin e këtij samiti e ka bërë Sllovenia, e cila sivjet e kryeson SEECP-në.
Forcimi i bashkëpunimit rajonal, fqinjësia e mirë, stabiliteti dhe siguria dhe marrëdhëniet e zgjeruara ekonomike, janë disa nga temat e këtij samiti.
Kosova u bë pjesë e SEECP në vitin 2014, derisa po synon të marrë kryesimin e saj për vitin 2019 – 2020.
