Haradinaj futet në mes për ta ndalur përleshjen mes deputetëve të PDK-së dhe VV-së

E publikuar: 16/03/2018 17:52
Rreshtat+- AShkronjat+- Printo

Kryeministri i Kosovës, Ramush Haradinaj, dhe deputetë të tjerë të kuvendit të Kosovës janë detyruar për të ndërhy në eskalimin e situatës së Kuvendit të Kosovës, kur deputetët e VV-së dhe ata të PDK-së kanë dashur t’i qërojnë hesapet fizikisht, raporton Insajderi.

E gjitha kjo kishte filluar kur ministrja Dhurata Hoxha, kishte akuzuar VV-në se është e ndikuar nga Rusia.

Deputetët e VV-së në shenjë proteste kanë penguar fjalimin e Hoxhës teksa disa deputetë janë ngritur në këmbë dhe kanë qenë afër fillimit të një përleshje. Për ta ndalur këtë përleshje Haradinaj është detyruar të futet në mes deputetëve për ta ndalur një përleshje fizike të mundshme.

“Zotëri Kurti, me qasjen tuaj dhe me politiken tuaj ose jeni tejet djallëzor ndaj partisë sime ose jeni të instrumentalizuar nga qarqet ruse që duan me çdo kusht destabizilimin e vendit”, ka thënë Hoxha./insajderi/