Goran Rakiq: Asociacioni më i fuqishëm se Republika Srpska

E publikuar: 21/04/2018 11:12
Rreshtat+- AShkronjat+- Printo

Asociacioni i komunave me shumicë serbe do të ketë fuqi të jashtëzakonshme brenda Repulibikës së Kosovës. Kështu të paktën ka deklaruar kryetari i Komunës së Mitrovicës Veriore dhe President i Srpska-s, Goran Rakiq.

Këto mesazhe janë përcjellur në vendet evropiane nga përfaqësuesit e Listës Serbe gjatë qëndrimit të tyre në Vjenë dhe Berlin.

“Kemi përcjellë që bashkësia e komunave serbe do të formohet në përputhje me marrëveshjen e Brukselit”, është shprehur ai, duke shtuar se e njëjta duhet të formohet sa më parë që të jetë e mundur.

Sipas Rakiqit, ZCO nuk është një kërcënim për ndonjë komunitet tjetër, transmeton Indeksonline

“Evropianëve ju kemi treguar se Asociacioni nuk do të jetë Republika Serbe por do të jetë më e fortë se Republika Srpska në kuptimin ekonomik, do të sjellim investitorë, do të hapim vende të reja pune dhe do të forcojmë të gjitha dhjetë komunat me shumicë serbe”, është shprehur shefi i Listës. /Indeksonline/