Gjukanoviq e ndërpret mbështetjen për qeverinë e Dritan Abazoviq

E publikuar: 10/07/2022 20:11
Rreshtat+- AShkronjat+- Printo
Share:

Gjukanoviq e ndërpret mbështetjen për qeverinë e Dritan Abazoviq
Partia Demokratike e Socialistëve e Malit të Zi, e cila udhëhiqet nga presidenti i këtij vendi Milo Gjukanoviq, e ka ndërprerë mbështetjen për qeverinë e kryeministrit Dritan Abazoviq.

Kjo u vendos pas mbledhjes së kryesisë së kësaj partie.

Në njoftimin e partisë thuhet se arsyeja e ndërmarrjes së këtij hapi është Marrëveshja Themelore me Kishën Ortodokse Serbe e cila u votua nga shumica e ministrave e Qeverisë së Abazoviqi të premten, më 8 korrik.

DPS deklaroi se marrëveshja me Kishën Serbe kërcënon interesat shtetërore të Malit të Zi.

Kjo parti vlerëson se Qeveria ndryshoi kursin politik për të cilin ishte rënë dakord me formimin e saj.

“Qeveria e braktisi detyrën prioritare të përmbushjes së detyrimeve nga agjenda e integrimit evropian dhe me nguti dhe në mënyrë të papërgjegjshme, pa u konsultuar me ekspertët, bëri marrëveshje me Kishën Ortodokse, duke i shkaktuar dëm të pallogaritshëm interesave shtetërore të Malit të Zi”.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!