Ish-Komandanti Suprem i Forcave Aleate të NATO-s në Europë, Wesley K. Clark sot viziton Kosovën.
Clark i cili udhëhoqi forcat e NATO-s drejt fitores në një fushatë 78-ditore kundër regjimit të Millosheviçit do jetë mysafir special i darkës fondmbledhëse gala të quajtur ”Përkrah Rrëfimin e Ardhshëm të Suksesit”, organizuar nga RTI në Kosovë (A.U.K), njofton Klan Kosova.
Kontributi do të përdoret për të ndihmuar në financimin e bursave për studentët e talentuar dhe të pa privilegjuar.
Aksioni i pëkrahur nga planifikimi i ndërhyrjes së forcave tokësore dhe një procesi diplomatik, në detyrën e tij të fundit si Komandant Suprem i Forcave Aleate të NATO-s në Europë, Wesley Clark shpëtoi 1.5 milionë shqiptarë të Kosovës nga spastrimi etnik.
Mbrëmja e darkës fondmbledhëse mbahet sot.
Gjenerali Clark është pensionuar si Gjeneral me katër yje pas 38 vjetësh me Ushtrinë e Shteteve të Bashkuara të Amerikës.
