Jose Luis Gomez, mbrojtësi kombëtares së Argjentinës dhe skuadrës Lanus, po mendon të largohet nga futbolli i luajtur pas një gabimi në një finale.
Mbrojtësi i Lanusit, Jose Luis Gomez po konsideron daljen në pension pas gabimit të tij në pjesën e dytë të finales së Copa Libertadores që çoi në një gol të Gremios.
Me ndeshjen ende të hapur, Gomez u përpoq të kontrollonte topin në vijën e mesit por gaboi, dhe sulmuesi Fernandinho më pas e shfrytëzoi rastin duke shënuar.
Lanus vazhdoi të humbasë 2-1 në atë mbrëmje dhe 3-1 në total, dhe Gomez tani po mendon të pensionohet nga karriera e tij, në moshën 24-vjeçare.
“Unë jam duke menduar për ta lënë futbollin”, ka thënë fillimisht Gomez për TyC Sports, nëpërmjet Ole.
Por éste error en la Final de la Copa Libertadores José Luis Gómez ( Jugador de Lanús 24 años ) se quiere retirar del Fútbol
Espero que Marcelo Díaz me desbloquee , lea éste tuit y piense en su futuro como jugador pic.twitter.com/XyNuuUjQgQ
— Pablo Alexis (@pablo_uc20) November 30, 2017
“Jam i lënduar, ndihem keq. Ky ishte një gabim që nuk duhej ta bëja, do të mendoj për këtë, unë jam një djalë, por kjo nuk duhet të ndodhë, ndihem fajtor”.
Jose Luis Gomez gjatë një dueli me Felipe Luis në ndeshjen Argjentinë-Brazil (Getty Images)
“Nuk kam pasur një natë të mirë, dua të kërkoj falje për të gjithë tifozët e Lanusit. Tifozët meritonin të ishin kampionë, por për shkak të një gabimi timin, loja u hap”, përfundoi mbrojtësi argjentinas.
Ndryshe, Gomez është edhe lojtar që ftohet kohë pas kohe nga Kombëtarja e Argjentinës, dhe ka luajtur më parë edhe për skuadrën Racing Club. /Telegrafi/
