Anthony Joshua fitoi ndaj Josep Parker në stadiumin e Cardiffit, Principality.
Përveç titujve WBA, IBF, IBO dhe së fundmi WBO, britaniku ka fituar një mal me para.
Raportohet se Joshua ka fituar 20.5 milionë euro nga përballja me boksierin nga Zelanda e Re.
Pra, 568.35 mijë euro për minutë, apo 1.71 milionë euro për raund.
Kjo është më shumë se në përballjen e fundit ndaj Carlos Takam, ku kishte fituar rreth 17 milionë euro.
Por, këto fitime do të rriteshin edhe më shumë në një meç të mundshëm me kampionin e WBC-së, Deontay Wilder.
Kjo pasi kërkesa dhe dëshira AJ të ketë një përballje me amerikanin është shumë e madhe në botën e boksit.
Joshua dhe Parker duke goditur njëri-tjetrin (Foto: Sky Sports Boxing/Twitter)
Vlen të theksohet se as Parker nuk mbeti keq pasi 33 për qind e fitimeve të meçit i shkojnë atij. /Telegrafi/
