Dy muaj pas emërimit si zv.drejtor i burgjeve, MD largon nga kjo pozitë Rasim Selmanin

13.09.2021 21:50
Rreshtat+- AShkronjat+- Printo
Dy muaj pas emërimit si zv.drejtor i burgjeve, MD largon nga kjo pozitë Rasim Selmanin

Ministria e Drejtësisë ka marrë vendim që të largoj nga pozita e zëvendës drejtorit të burgjeve, Rasim Selmanin i cili ishte emëruar në këtë detyrë në fillim të muajit korrik pra dy muaj më parë.

KALLXO.com mësoi se në pozitën e Selmanit është emëruar, Ali Gashi roli i të cilit ishte Drejtor i Departamentit për Trajtimin e të burgosurve dhe të miturve në Shërbimin Korrektues të Kosovës i cili funksionon në kuadër të Ministrisë së Drejtësisë.

“Po, informacioni është i saktë, jam zëvendësues i Drejtorit të Përgjithshëm të Burgjeve. Sot është bërë pranim-dorëzimi me kolegun që ka ushtru detyrën deri më tani”, tha Gashi.

Ai tutje shtoi se nuk i din arsyet e largimit nga pozita të Selmanit.

“Unë kam qenë drejtor për trajtim të të burgosurve dhe të miturve. Kam punuar për 10 vite në MD, në kuadër të profesionalizmit më është besu kjo detyrë, arsyet e largimit të zëvendësit të kaluar nuk i di”, shtoi Gashi.

Largimin nga pozita të Selmanit e ka konfirmuar për KALLXO.com edhe zëvendësministri i Drejtësisë, Blerim Sallahu.

“E kemi largu nga pozita. Ali Gashi do të jetë zëvendës drejtori i ri deri në zgjedhjen e drejtorit të përgjithshëm për të cilën pozitë kemi hapur edhe konkurs edhe po presim me datë të caktuar. Një nga arsyet është që tash konkursi është hapur për drejtor ai ka shpreh dëshirë me konkuru në atë pozitë dhe ne kemi vlerësuar se nuk është e drejtë që një UD të konkurroj për drejtor të ri për të ardhur në nivel të njëjtë pra, pra të gjithë kandidatët kanë të drejtë të barabartë me konkuru në një konkurs të ri”, tha Sallahu

Rasim Selmani është emëruar si zëvendës drejtor i burgjeve më 3 korrik të këtij viti. Ai ishte drejtor i Burgut të Sigurisë së Lartë i cili njihet si burgu i Dyzit i cili gjendet në Podujevë.

Emërimi i Selmanit në krye të SHKK-së erdhi pas shkarkimit të ish- drejtorit të kaluar Nehat Thaqit.

Ky i fundit ishte shkarkuar nga detyra e tij pas vendimit të Këshillit Shtetëror për Vlerësim dhe Disiplinë.

Në prill të këtij viti ministrja e drejtësisë, Albulena Haxhiu kishte njoftuar se ka kërkuar nga Këshilli Shtetëror për Vlerësim dhe Disiplinë, që të shqyrtojë veprimet e drejtorit të përgjithshëm të Shërbimit Korrektues të Kosovës, Nehat Thaçi duke kërkuar të vendosin për shkarkimin e tij.

Kjo si shkak i dhënies në shfrytëzim të një prone në Vushtrri nga SHKK.“Para disa ditëve kemi pranuar në kabinet një njoftim për shkelje brenda Shërbimit Korrektues për dhënie në shfrytëzim të pronës, për një kompani që nuk i plotësonte kushtet. Bëhet fjalë për 2 ha tokë, kurse dje e kemi pranuar raportin e brendshëm të auditorit e cili e ka evidentuar këtë”, kishte thënë Haxhiu.

Zëvendësministri i MD, Blerim Sallahu kishte thënë në atë konferencë se prona e cila është jep në shfrytëzim nga SHKK i është dhënë në mënyrë të kundërligjshme një kompanie e cila nuk ka qenë e regjistruar në ARBK në momentin është dhënë kontrata.

“Kompania që ka fitu kontratë nuk ka pas certifkatë të biznesit këtë çertifikatë e ka pranu pesë orë pasi ka pranu kontratë për shfrytëzimin e pronës. Baza ligjore nuk jep të drejtë për dhënien në shfrytëzim të asaj prone. Në kundërshtim me ligjin akterët e përfshirë kanë lidhur kontratën e cila jep në shfrytëzim pronën e MD dhe SHKK ndërsa në këmbim është marrë çmim banal prej 2100 euro në muaj, ndërsa sipas vlerës së tregut çmimi është më i lartë. Kompania ka demolu hotelin Vicinaum dhe objekte të tjera, kemi të bëjmë më ndërmarrja të përbashkët kriminale. Kontrata është nënshkruar nga Nehat Thaçi”, ka thënë Sallahu.

Ish-drejtori i Burgjeve të Kosovës, Nehat Thaçi kishte thënë atë kohë se Ministria e Drejtësisë ka zgjedhur njeriun e gabuar për luftë politike, duke shtuar se procesi është krejtësisht i pastër dhe i ligjshëm.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Këshilltari i Presidentes tregon se për çfarë do të flasë Osmani në Këshill të Sigurimit

Këshilltari i Presidentes tregon se për çfarë do të flasë Osmani në Këshill të Sigurimit

Demoluan shtëpinë dhe mbajtën të mbyllur pronarët, policia jep detaje për grabitjen në Pejë

Demoluan shtëpinë dhe mbajtën të mbyllur pronarët, policia jep detaje për grabitjen në Pejë

Blinken vlerëson perspektivën evropiane të Ballkanit Perëndimor

Blinken vlerëson perspektivën evropiane të Ballkanit Perëndimor

Në Serbi, Christopher Hill cilësohet si diplomat me “duar të fuqishme”

Në Serbi, Christopher Hill cilësohet si diplomat me “duar të fuqishme”

Bekim Haxhiu: Përjashtimi nga PDK-ja, nderi më i madh që mund të ma bëjnë

Bekim Haxhiu: Përjashtimi nga PDK-ja, nderi më i madh që mund të ma bëjnë

Prodhuesit vendorë paralajmërojnë ngritje të çmimeve deri në 40%

Prodhuesit vendorë paralajmërojnë ngritje të çmimeve deri në 40%

Nacionalistët serbë u nisen për në Kosovë por u detyruan të kthehen prapa, nuk kishin test PCR

Nacionalistët serbë u nisen për në Kosovë por u detyruan të kthehen prapa, nuk kishin test PCR

Kështu e arsyetoi sot Kurti mos-shkarkimin e Goran Rakiqit

Kështu e arsyetoi sot Kurti mos-shkarkimin e Goran Rakiqit

Kurti nuk do ta shkarkojë Rakiqin

Kurti nuk do ta shkarkojë Rakiqin

Punime në rrjet, këto vende nesër mbesin pa rrymë

Punime në rrjet, këto vende nesër mbesin pa rrymë

Mos ia mësyni Kosovës me vetëm një dozë të vaksinës, MSH del me njoftim

Mos ia mësyni Kosovës me vetëm një dozë të vaksinës, MSH del me njoftim

Sekretari amerikan: Do të punojmë për forcimin e partneritetit me Serbinë

Sekretari amerikan: Do të punojmë për forcimin e partneritetit me Serbinë

Ministri Mehaj mbështetet fuqishëm nga autoritetet e Këshillit të Sigurisë Kombëtare të SHBA-së

Ministri Mehaj mbështetet fuqishëm nga autoritetet e Këshillit të Sigurisë Kombëtare të SHBA-së

Kapen 15.000 mijë litra alkool i prodhuar ilegalisht në Gjakovë

Kapen 15.000 mijë litra alkool i prodhuar ilegalisht në Gjakovë

KS i OKB-së mban nesër sesionin e rregullt për Kosovën

KS i OKB-së mban nesër sesionin e rregullt për Kosovën

Bie numri i të vaksinuarve, vetëm 7 mijë e 154 doza u dhanë

Bie numri i të vaksinuarve, vetëm 7 mijë e 154 doza u dhanë