Komuna e Prishtinës në bashkëpunim me Ndërmarrjen Publike Banesore, kanë dezinfektuar dhe pajisur me dezinfektues rreth 750 hyrje të banesave kolektive në kryeqytet
Kjo është bërë e ditur përmes një postimi në Facebook, në faqen zyrtare të Komunës së Prishtinës.
“Bashkë me Ndërmarrja Publike Banesore SH.A. Prishtinë kemi përfunduar me sukses dezinfektimin dhe pajisjen me dezinfektues e udhëzues me këshilla për mbrojtje nga COVID-19 të rreth 750 hyrjeve të banesave kolektive në Prishtinë”, thuhet në njoftimin e komunës.
Ndërkohë bëhet e ditur se kryetari i Prishtinës Shpend Ahmeti ka marrë vendim që ky proces të vazhdojë edhe në hyrjet e ndërtesave të reja kolektive.